Rais wa Jamhuri ya Muungano wa Tanzania ndiye kiongozi mkuu wa nchi na amebeba dhamana kubwa ya kusimamia maendeleo ya taifa, kuhakikisha amani, na kulinda katiba ya nchi. Kati ya maswali ambayo huibuka mara kwa mara miongoni mwa Watanzania ni juu ya mshahara anaolipwa kiongozi huyo mkuu, hasa kwa sasa ambapo nafasi hiyo inashikiliwa na Mheshimiwa Samia Suluhu Hassan. Katika makala hii, tutachambua kwa kina kuhusu mshahara wa Rais Samia, mafao anayopewa, pamoja na maswali ya mara kwa mara yanayoulizwa kuhusiana na suala hili.
HISTORIA FUPI YA SAMIA SULUHU HASSAN
Samia Suluhu Hassan alizaliwa tarehe 27 Januari, 1960, Zanzibar. Alianza safari yake ya kisiasa mwaka 2000 alipoteuliwa kuwa Mbunge wa kuteuliwa na baadaye kushika nyadhifa mbalimbali serikalini, ikiwemo kuwa Waziri katika Serikali ya Mapinduzi Zanzibar na baadaye kuwa Waziri wa Muungano katika Serikali ya Jamhuri ya Muungano wa Tanzania.
Mwaka 2015, alichaguliwa kuwa Makamu wa Rais akiwa mgombea mwenza wa Dkt. John Pombe Magufuli. Baada ya kifo cha Dkt. Magufuli mwezi Machi 2021, Samia Suluhu aliapishwa kuwa Rais wa Tanzania, na hivyo kuwa mwanamke wa kwanza kushika wadhifa huo katika historia ya taifa.
KIWANGO CHA MSHAHARA WA RAIS SAMIA KWA MWEZI
Katika mahojiano mbalimbali, Rais Samia Suluhu Hassan mwenyewe aliwahi kufichua kuwa analipwa mshahara wa shilingi milioni 9 kwa mwezi. Hili ni jambo ambalo liliwashangaza Watanzania wengi, hasa kutokana na ukubwa wa majukumu ya urais. Ingawa kiwango hiki cha mshahara kinaweza kuonekana kidogo kulinganisha na viongozi wa mataifa mengine, kimekuwa ni sehemu ya maadili ya uongozi wa unyenyekevu na uwazi wa viongozi wa Tanzania.
MAFAO NA MALUPUUPU MENGINE ANAYOPOKEA RAIS SAMIA SULUHU HASSAN
Mbali na mshahara wake wa kila mwezi, Rais pia hupata mafao na marupurupu mbalimbali kutokana na nafasi yake. Baadhi ya mafao hayo ni pamoja na:
Makazi rasmi na huduma zote muhimu – Rais hukaa katika Ikulu, ambapo huduma kama usafiri, ulinzi, chakula, na huduma nyingine hutolewa na serikali.
Usafiri wa serikali – Ikiwemo magari ya kifahari na ndege ya rais (Presidential Jet).
Ulinzi wa kibinafsi – Ulinzi wa karibu kwa saa 24 kutoka kwa vikosi maalum vya ulinzi.
Huduma za afya za hali ya juu – Rais anapata huduma za matibabu ndani na nje ya nchi, kwa gharama ya serikali.
Pension ya maisha baada ya kustaafu – Rais akimaliza muda wake kwa mujibu wa sheria, anastahili mafao ya kustaafu pamoja na huduma kama ulinzi na makazi.
Posho za safari za kikazi – Rais anapokuwa safarini ndani au nje ya nchi hupata posho maalum kulingana na viwango vya serikali.
MASWALI YANAYOULIZWA MARA KWA MARA KUHUSU MSHAHARA WA RAIS WA TANZANIA SAMIA SULUHU HASSAN
1. Je, ni kweli Rais Samia analipwa milioni 9 kwa mwezi pekee?
Ndiyo. Rais Samia mwenyewe alithibitisha hilo katika mahojiano kuwa mshahara wake wa kila mwezi ni shilingi milioni 9.
2. Kwa nini mshahara wa Rais uko chini kulinganisha na nchi nyingine?
Tanzania imekuwa na utamaduni wa kupunguza tofauti ya kipato kati ya viongozi na wananchi wa kawaida. Pia, viongozi wa juu wanapewa huduma nyingi bure, hivyo mishahara yao si kipimo kamili cha maisha yao ya kila siku.
3. Je, Rais analipa kodi kwenye mshahara wake?
Kama ilivyo kwa viongozi wengine serikalini, mishahara ya Rais kwa kawaida huwa na masharti maalum, lakini kwa sasa hakuna taarifa rasmi kuhusu iwapo analipa kodi moja kwa moja kama wafanyakazi wengine.
4. Rais anapata marupurupu ya aina gani zaidi ya mshahara?
Marupurupu ni pamoja na usafiri, makazi, posho za safari, ulinzi, na huduma za afya. Haya yote hutolewa na serikali kama sehemu ya hadhi ya ofisi ya Rais.
5. Je, baada ya kustaafu, Rais Samia atapokea nini?
Atapokea pensheni ya kila mwezi, ulinzi wa kudumu, makazi ya kustaafu yaliyoandaliwa na serikali, pamoja na huduma za afya.
