JIUNGE NASI WHATSAPP
BOFYA HAPA
JIUNGE NASI TELEGRAM
BOFYA HAPA
Mtakatifu Rita wa Kashia anajulikana kama mtakatifu wa mambo yasiyo na matumaini na migogoro ya ndoa. Watu wengi husali kwake wanapokumbana na changamoto kubwa maishani. Novena ya Mtakatifu Rita husaliwa kwa siku tisa mfululizo kwa imani na uvumilivu, huku tukimwomba msaada wake kwa Mungu.
NOVENA YA MT RITA WA KASHIA YA SAA 15
MAALUM KATIKA SHIDA KUBWA
SAA LA KUMI NA MOJA
( SAA NANE USIKU)
(Sali Novena hii kila saa. Hadi ufikishe saa zote 15 bila kukatisha . Saa 15 za Novena hii hukumbuka miaka 15 ambayo Mt Rita aliishi na kidonda Katika Paji la uso wake Hadi kifo chake mwaka 1457)
Ee Mungu chemichemi, huruma na msamaha ulimteua Mtumishi wako Rita wa Kashia ili awe mwombezi wa wote walio katika mahangaiko MAKUBWA.
Nakuomba kwa maombezi yake yenye nguvu, neema ya kuondokana na shida hii KUBWA ( hapa taja shida yako )
Bila maombezi yako Ee Mt Rita, siwezi kujinasua na shida hii KUBWA. Nakusihi uniombee kwa machozi yasiyokoma mbele ya Altare ya Mungu huko Mbinguni
Mungu hakukatalii wewe kitu chochote kwani wewe ni Mtakatifu na mwombezi wa yote yaliyoshindikana kwa akili za kibinadamu. Kwa njia ya Kristo Bwana wetu. Amina.
MUUNDO WA NOVENA YA MT. RITA
. Ishara ya Msalaba
Anza kwa kufanya ishara ya msalaba:
Kwa jina la Baba, na la Mwana, na la Roho Mtakatifu. Amina.
Sala ya Kuomba Msaada wa Mt. Rita
Ee Mtakatifu Rita, mtetezi wa mambo yasiyo na matumaini,
ninakuomba unisaidie katika shida yangu hii (taja hitaji lako),
Uliyepewa neema ya kuwa na uvumilivu,
nisaidie kuvumilia magumu ya maisha,
Naomba unifikishe mbele ya Mungu kwa maombi yako,
ili nipate neema ninayoomba kwa imani. Amina.
Sala ya Baba Yetu, Salamu Maria, na Atukuzwe
Baba yetu x 3
Salamu Maria x 3
Atukuzwe x 3
*LITANIA KWA MTAKATIFU RITHA WA KASHIA*
———————————–
Bwana Utuhurumie,
Kristo Utuhurumie,
Bwana Utuhurumie,
———————————–
*Kiitikio *”Utuhurumie”*
Baba wa Mbinguni, Mungu,
Mwana Mkombozi wa Dunia,Mungu,
Roho Mtakatifu, Mungu,
Utatu Mtakatifu, Mungu Mmoja,
———————————–
*Kiitikio* “Utuombee”*
Maria Imakulata Mama wa Mungu
Maria, Mama mfariji wa wanaoteseka
Maria, Malkia wa Watakatifu wote
Maria, Mwombezi mpenzi wa Mt Rita
———————————–
*Kiitikio* “Utuombee”*
Mt Rita, Zawadi toka Mbinguni:
Mt Rita, Mwombezi wetu mwenye nguvu:
Mt Rita, uliyejaliwa Utukufu:
Mt Rita, mstaajabiwa tangu utoto wako:
Mt Rita, mpenda upweke:
Mt Rita, Kielelezo cha usafi wa moyo:
Mt Rita, kielelezo cha upole wote:
Mt Rita, kielelezo cha mke mwema:
Mt Rita, kielelezo bora cha mama mtaratibu:
Mt Rita, kielelezo cha msamaha wa kweli:
Mt Rita, kielelezo hai cha kujikatalia:
Mt Rita, kioo cha maisha ya kitawa:
Mt Rita, kioo cha utii;
Mt Rita, mvumilivu wa kustajabiwa;
Mt Rita, shujaa wa kujitoa sadaka;
Mt Rita, shahidi katika kufanya toba
Mt Rita, mjane mtakatifu;
Mt Rita, mkarimu kwa masikini;
Mt Rita, mkarimu kwa masikini;
Mt Rita, mkereketwa wa kuitikia wito mtakatifu;
Mt Rita, aliyeingizwa utawani kimuujiza;
Mt Rita, harufu nzuri ya manemane;
Mt Rita, bustani ya kila fadhila;
Mt Rita, mpendezwa na Yesu Msulubiwa;
Mt Rita, uliyechomwa na mwiba kwenye paji la uso;
Mt Rita, binti mpendevu wa Bikira Maria;
Mt Rita, mwenye kiu ya upendo wa Kimungu;
Mt Rita, uliyevikwa utukufu;
Mt Rita, lulu ya mbinguni;
Mt Rita, utukufu wa shirika la Mt Augustino;
Mt Rita, tunu ya thamani ya Umbria;
Mt Rita, mwenye nguvu za utakatifu;
Mt Rita, msamaha wa wanaopata mahangaiko;
Mt Rita, mfariji wa wanaoteseka;
Mt Rita, nanga ya wokovu;
Mt Rita, mwombezi wa wagonjwa;
Mt Rita, mwombezi wa mambo yaliyoshindikana;
Mt Rita, kimbilio la walio hatarini;
Mt Rita, msaada wenye nguvu kwa wote;
Mt Rita, mastaajabio ya ulimwengu;
Mt Rita, uliyepokewa mbinguni kwa furaha;
———————————–
Mwanakondoo wa Mungu uondoae dhambi za dunia, *”Utusamehe Bwana”*
Mwanakondoo wa Mungu uondoae dhambi za dunia, *”Utusikilize Bwana”*
Mwanakondoo wa Mungu uondoae dhambi za dunia *”Utuhurumie”*
———————————-
*K:* Umemtia alama Ee Bwana mtumishi wako Rita
*W:* Kwa mhuli wa upendo na mateso
*TUOMBE*:
Ee Mungu , ambaye katika wema wako wa daima, umependa kusikiliza maombezi ya mtumishi wako Rita. Utujalie kupitia maombezi yake, yale ambayo yameshindikana kwa nguvu za kibinadamu. Utuhurumie sisi tunaoteseka, uwasaidie wote wasiokuamini wajue kuwa wewe ni tuzo la wanyenyekevu, mfariji wa wote wenye hofu, na nguvu ya wanyonge. Tunaomba hayo kwa njia ya Kristu Bwana wetu. Amina
Mambo ya Kuzingatia
✔ Sali kwa imani na uvumilivu
✔ Fanya tafakari ya maisha yako na ongeza matendo ya huruma
✔ Kama inawezekana, shiriki Misa Takatifu wakati wa Novena
✔ Omba kwa moyo mnyenyekevu ukimkabidhi Mungu hitaji lako
JIUNGE NASI WHATSAPP
BOFYA HAPA
JIUNGE NASI TELEGRAM
BOFYA HAPA
