Jinsi ya kulipia parking (Deni la Maegesho ya Gari na kulipia (TARURA)

Kama mmiliki wa gari nchini Tanzania, mojawapo ya wajibu wako ni kulipa ada ya maegesho yanayosimamiwa na Wakala wa Barabara za Vijijini na Mijini (TARURA). Ada hizi hulipwa pale gari linapopaki kwenye maeneo rasmi ya maegesho katika miji mbalimbali kama Dar es Salaam, Dodoma, Arusha na mingineyo. Kukosa kulipia parking kunaweza kusababisha kuwekewa deni, kutozwa faini, au gari kufungwa (clamping).

TARURA ni Nani na Wanafanya Kazi Gani?

TARURA ni taasisi ya serikali chini ya Ofisi ya Rais – TAMISEMI. Miongoni mwa majukumu yake ni:

• Kusimamia na kutunza barabara za vijijini na mijini

• Kuratibu huduma za maegesho ya magari mijini

• Kukusanya ada za maegesho kwa kutumia mfumo wa kielektroniki

Namna ya Kulipia Parking kwa Njia ya Mtandao

1. Kupokea Taarifa ya Maegesho

Baada ya gari lako kupaki, afisa wa TARURA hukagua na kuingiza namba ya gari kwenye mfumo. Kisha unapaswa kupokea ujumbe mfupi (SMS) unaokuambia:

• Gari lako limepakiwa wapi

• Muda wa maegesho

• Kiasi cha kulipia

• Jinsi ya kulipa (kwa kutumia control number)

Mfano wa SMS:
“Gari T123ABC limeegeshwa Mtaa wa Samora. Control Number: 99123XXXX. Kiasi: TZS 500. Lipa kupitia Mpesa/Tigo Pesa/Airtel Money.”

2. Jinsi ya Kulipia kwa M-Pesa / Tigo Pesa / Airtel Money

Kwa M-Pesa

1. Piga 15000#

2. Chagua 4: Lipia kwa Mpesa

3. Chagua 5: Malipo ya Serikali

4. Ingiza control number

5. Weka kiasi kilichoelekezwa

6. Weka namba ya siri kuthibitisha

Kwa Tigo Pesa

1. Piga 15001#

2. Chagua 4: Lipia Bili

3. Chagua 3: Malipo ya Serikali

4. Weka control number

5. Weka kiasi

6. Thibitisha malipo

Kwa Airtel Money

1. Piga 15060#

2. Chagua 5: Lipa Bili

3. Chagua 6: Malipo ya Serikali

4. Ingiza control number

5. Weka kiasi

6. Thibitisha kwa kuweka PIN yako

Namna ya Kuangalia Kama Una Deni la Parking

Ikiwa hukuweza kulipia parking kwa wakati au hukujulishwa kwa SMS, unaweza kufuatilia mwenyewe kwa njia hizi:

Njia 1: Kupitia Simu (USSD)

1. Piga 15200#

2. Chagua namba 8 – Malipo ya Serikali

3. Chagua namba 1 – Lipa Serikali

4. Chagua TARURA – Maegesho

5. Ingiza namba ya gari (mfano: T123ABC)

6. Utapewa taarifa kama unadaiwa au la

Njia 2: Kupitia Tovuti ya TARURA

1. Tembelea: https://parking.tarura.go.tz

2. Ingiza namba ya gari lako

3. Taarifa zote za malipo na deni zitaonekana

4. Unaweza kupata control number ya kulipa papo hapo

Nini Kitatokea Ukishindwa Kulipa kwa Wakati?

• Gari lako linaweza kufungwa na kitoaji clamping device

• Unaweza kutozwa faini ya ziada

• TARURA wanaweza kuchukua hatua za kisheria iwapo madeni yataendelea

MASWALI YANAYOULIZWA MARA KWA MARA (FAQ)

 Naweza lipia maegesho kabla sijapaki?

Ndiyo, kwa kutumia mfumo wa pre-payment kwenye app au tovuti ya TARURA.

 Nikilipia kwenye kampuni ya simu, inachukua muda gani kuthibitishwa?

Malipo huthibitishwa mara moja au ndani ya dakika 1 hadi 3.

 Nifanyeje gari langu likifungwa na TARURA?

Mpigie namba ya huduma kwa wateja (iliyopo kwenye gari lililofungwa), lipia deni lako, na utapewa maelekezo ya kuondoa kifaa.

 Naweza kupata risiti?

Ndiyo, risiti ya kidigitali hutumwa kwa SMS baada ya malipo.