Katika dunia ya sasa, si lazima uwe na mamilioni ili kuanza biashara yenye mafanikio. Kuna biashara nyingi za mtaji mdogo lakini faida kubwa, ambazo unaweza kuanzisha hapa Tanzania bila kuwa na hofu ya kufilisika. Unachohitaji ni maarifa sahihi, uthubutu, na ubunifu.
1. Biashara ya Vitu vya Mtumba (Nguo, Viatu, Mikoba)
Nguo za mitumba zenye ubora huuzwa sana mitaani, sokoni na hata mtandaoni. Unahitaji tu jicho la kuchagua bidhaa nzuri na sehemu yenye mzunguko wa watu.
Mtaji wa kuanzia: TZS 50,000 – 300,000
Faida: Ukitumia TZS 100,000 kununua nguo, unaweza kuuza hadi TZS 250,000
Mbinu ya mafanikio: Pendelea kuuza kwa Instagram, WhatsApp au kwa marafiki kama mwanzo
2. Biashara ya Urembo (Perfume, Makeup, Sabuni, Lotions)
Wanawake na hata wanaume hupenda bidhaa za urembo kila siku. Biashara hii inahitajika sana maeneo ya mijini na vyuoni.
Mtaji wa kuanzia: TZS 80,000 – 300,000
Faida: Bidhaa nyingi huleta faida ya hadi 100%
Vidokezo: Nunua bidhaa kwa jumla Kariakoo au online, uuze rejareja kwa marafiki au mitandaoni
3. Uuzaji wa Juisi Asili na Matunda
Juisi ya miwa, tango, embe, karoti n.k. inapendwa sana. Unaweza tengeneza nyumbani na kuuza kwenye chupa.
Mtaji wa kuanzia: TZS 100,000
Faida: Chupa ya juisi moja huuzwa TZS 1,000 – 2,000, ukitengeneza 50, unaweza kupata TZS 100,000
Mahitaji: Blender, chupa tupu, malighafi ya matunda
Soma Hii : Biashara yenye Faida Laki Moja 100000 kwa Siku
4. Biashara ya Sabuni za Mikono, Kuogea au Kufua (Zilizotengenezwa Nyumbani)
Kutengeneza sabuni ni rahisi na hakuna ushindani mkubwa. Unaweza kuuza majumbani, saluni, au dukani.
Mtaji wa kuanzia: TZS 50,000 – 200,000
Faida: Faida ya hadi 150% kwa batch moja ya sabuni
Uuzaji: Pakia kwenye chupa au mifuko midogo kwa ajili ya rejareja
5. Biashara ya Kupika na Kuuza Vitafunwa (Chapati, Mandazi, Vitumbua, Sambusa)
Bidhaa hizi zina soko kila kona – shule, sokoni, au ofisini. Ni biashara ya mzunguko wa haraka.
Mtaji wa kuanzia: TZS 30,000 – 100,000
Faida: Ukitengeneza vitafunwa 100 na kuuza kwa TZS 500 kila kimoja, unaweza kupata TZS 50,000 kwa siku
Siri ya mafanikio: Ubora na ladha – ukishika wateja, hawakuachi!
6. Uuzaji wa Aksesari za Simu (Chargers, Earphones, Cables, Covers)
Bidhaa hizi ni ndogo lakini kila mtu anazitumia. Mauzo ni ya haraka sana.
Mtaji wa kuanzia: TZS 150,000 – 500,000
Faida: Bidhaa nyingi huingiza faida ya TZS 1,000 – 5,000 kwa kipande
Eneo nzuri: Karibu na shule, ofisi au stendi za daladala
7. Biashara ya Chapisho na Kuandika (Typing, CV, Photocopy, Print)
Kama una laptop na printer, unaweza kutoa huduma kama typing ya nyaraka, CV, barua, na printing ndogo ndogo.
Mtaji wa kuanzia: Kama unazo vifaa, TZS 50,000 inatosha kwa karatasi na wino
Faida: Kila huduma huweza kutozwa TZS 1,000 – 5,000
Wateja: Wanafunzi, waombaji kazi, maofisa
Siri ya Mafanikio Katika Biashara za Mtaji Mdogo:
Anza na kile ulicho nacho – usingoje mtaji mkubwa.
Tangaza biashara yako kwenye mitandao ya kijamii – bure lakini yenye nguvu.
Hudumia vizuri mteja wako – tabasamu na uaminifu ni silaha.
Wekeza faida – usitumie faida yote, ongeza bidhaa au huduma.
