Kutoa mimba au mimba kuharibika ni hali inayoweza kuathiri afya ya mwanamke kimwili na kihisia. Baada ya tukio hili, ni muhimu kuhakikisha kwamba kizazi kimesafishwa vizuri ili kuzuia matatizo kama maambukizi au mabaki ya tishu za mimba. Katika makala hii, tutaeleza dawa zinazotumika kusafisha kizazi baada ya kutoa mimba au mimba kuharibika, jinsi zinavyofanya kazi, na tahadhari zinazopaswa kuchukuliwa.
Njia za kutoa mimba hospitali
Daktari anaweza kupendekeza njia mbali mbali za kutoa mimba kulingana na afya yako. Njia hizi ni kama
- vidonge(abortion pill)
- vacum aspration
- dilation and evacuation (kutanua mlango wa kizazi na kiumbe kutolewa)
Nini cha kutegemea baada ya kutoa mimba?
Wanawake wote hupata dalili zinazofanana haijalishi njia gani imetumika kutoa mimba. Japo kama mimba iliyotolewa ni kubwa kuanzia miezi mi3 dalili huwa mbaya sana na mwanamke anaweza kupoteza maisha.
Baaada ya kutoa mimba, ni kawaida kwa mwanamke kupata dalili hizi
- kutokwa damu kwa wiki 3 mpaka 6, japo baadhi ya wanawake hawapati bleed kabisa
- Kutokwa na mabonge ya damu iliyoganda
- Maumivu makali ya tumbo yanyofanana na yale ya hedhi
- Maumivu na kuvimba matiti
Kwa Nini Kizazi Husafishwa Baada ya Kutoa Mimba?
Baada ya mimba kuharibika au kutolewa, kuna uwezekano wa baadhi ya mabaki ya tishu kubaki kwenye mji wa mimba. Ikiwa mabaki haya hayatatolewa, yanaweza kusababisha:
Maambukizi katika mfuko wa uzazi (endometritis)
Kutokwa na damu nyingi kwa muda mrefu
Maumivu ya tumbo na mgongo
Matatizo ya kiafya yanayoweza kuathiri ujauzito wa baadaye
Kwa sababu hizi, madaktari mara nyingi hupendekeza matumizi ya dawa au njia nyingine za kusafisha kizazi ili kuhakikisha kuwa mfuko wa uzazi umetakasika kabisa.
Aina za Dawa za Kusafisha Kizazi
Dawa mbalimbali hutumiwa kusaidia kusafisha kizazi baada ya utoaji mimba au mimba kuharibika. Zifuatazo ni dawa zinazotumiwa mara nyingi na jinsi zinavyofanya kazi:
a) Misoprostol (Cytotec)
Misoprostol ni dawa maarufu inayotumiwa kusaidia mfuko wa uzazi kusinyaa na kutoa mabaki ya mimba kwa njia ya damu. Dawa hii hufanya kazi kwa:
✔️ Kusababisha misuli ya mfuko wa mimba kukaza na hivyo kusaidia kutoa mabaki yote
✔️ Kuongeza kasi ya kutoka kwa mabaki ya tishu kupitia uke
✔️ Kuzuia maambukizi kwa kusaidia kizazi kisafishwe kikamilifu
Dawa hii mara nyingi hutumiwa peke yake au kwa kushirikiana na dawa nyingine kama Mifepristone (ambayo huzuia homoni ya progesterone ili kuimarisha mchakato wa utoaji wa tishu).
Soma Hii :Muda sahihi wa Kufanya Tendo la Ndoa Baada ya kutoa mimba
b) Oxytocin
Oxytocin ni homoni inayosaidia mfuko wa uzazi kujikaza ili kusukuma mabaki ya tishu nje. Dawa hii mara nyingi hutumika hospitalini baada ya utoaji wa mimba wa upasuaji au kujifungua ili kusaidia kusafisha kizazi na kuzuia kutokwa na damu nyingi.
c) Antibiotics (Dawa za Kupambana na Maambukizi)
Baada ya utoaji mimba au mimba kuharibika, daktari anaweza kuagiza dawa za kuzuia maambukizi kama Doxycycline au Metronidazole. Hizi husaidia kuzuia au kutibu maambukizi yanayoweza kutokea kutokana na mabaki ya tishu.
Njia Mbadala za Kusafisha Kizazi
Kama dawa hazifanyi kazi ipasavyo au ikiwa kuna dalili za matatizo makubwa, daktari anaweza kupendekeza njia nyingine za kusafisha kizazi kama:
🔹 Dilation and Curettage (D&C) – Hii ni upasuaji mdogo unaofanywa hospitalini ambapo mabaki ya tishu husafishwa kwa kutumia vifaa maalum.
🔹 Dilation and Evacuation (D&E) – Njia hii hutumiwa hasa kwa mimba zilizo katika hatua za kati za ujauzito ambapo vifaa maalum hutumika kutoa mabaki kutoka kwenye kizazi.
Video:Njia 4 Za kusafisha kizazi Baada Ya Kutoa Mimba by DR TOBIAS
4. Tahadhari na Mambo ya Kuzingatia
✅ Tumia dawa kama ulivyoelekezwa na daktari – Dawa za kusafisha kizazi zinapaswa kutumiwa kwa usimamizi wa daktari ili kuepuka madhara.
✅ Fuatilia dalili za maambukizi – Ikiwa unapata homa, harufu mbaya kutoka ukeni, maumivu makali, au kutokwa na damu nyingi, tafuta msaada wa kitabibu haraka.
✅ Epuka kufanya tendo la ndoa kwa muda – Inashauriwa kusubiri angalau wiki 2 hadi 4 kabla ya kushiriki tendo la ndoa ili kuruhusu kizazi kupona.
✅ Epuka kutumia vitu vya kuingiza ukeni – Hii ni pamoja na tamponi au vifaa vingine vya uzazi wa mpango vya ndani ya mwili hadi mwili utakaporejea katika hali ya kawaida.
Jinsi ya kujitunza mwili baada ya kutoa mimba
Siku chache baada ya kutoa mimba, utapatwa na uchovu mkubwa, mwili kuishiwa nguvu na maumivu ya tumbo mara kwa mara. Muhimu uwe na mtu wa kukusaidia kukupeleka hospitali, kukufulia nguo na kukupikia katika kipindi hichi, ili upate muda mwingi wa kupumzika.
Baada ya kutoa mimba utakuwa kenye hatari kubwa ya kupata maambukizi hasa PID. Kwa sababu inachukua muda kwa mlango wa kizazi kufunga. Kupunguza hatari hiyo nakushauri haya.
- usitumie tampon mpaka hedhi ijayo, tumia pedi ya kawaida kuvyonza bleed yoyote
- usifanye tendo kwa wiki mbili wala kuingiza kitu chochote ukeni kwa wiki ya kwanza
- kama unapenda kuogelea, usitumie swimming pool kwa wiki mbili.
Fanya pia mambo haya kuendelea kutunza mwili
- Masaji tumbo lako ili kupunguza maumivu ya tumbo na kusaidia kutolewa kwa mabaki ya mimba
- Tumia kitu cha moto kukanda tumbo ili kupunguza maumivu
- Tumia dawa zote ulizoandikiwa na daktari ikiwemo antibiotics
- Waweza kutumia dawa za famasi kupunguza maumivu kama ibuprofen. Maumivu yakiwa makali sana rudi hospitali uonane na daktari
- Fatilia joto la mwili wako kama utapatwa na homa urudi hospitali na
- Endelea kwenda clinic kufanyiwa vipimo ili kupata uhakika kwamba mabaki yote ya mimba yameisha na kizazi kimepona.
Muda gani inachukua Kupona Baada ya Kutoa Mimba?
Kupona baada ya kutoa mimba kunatofautiana kwa kila mwanamke. Kama ulitoa mimba ya chini ya miezi miwili utapona mapema ndani ya siku chache. Na damu inaweza kukata mapema ndani ya wiki 6.
Kama ulitoa mimba kubwa ya miezi mitatu au minne na kuendelea itachukua muda mrefu zaidi kupona. Baadhi ya wanawake watahitaji kulazwa hospitali na kufanyiwa upasuaji. Usiwe na hosfu kubwa kwasababu wanawake wengi hupona mapema na kurudi nyumbani.
Huduma ya kitabibu baada ya kutoa mimba
Wanawake wengi waliotoa mimba watahitaji kwenda clinic na kufatiliwa afya kwa wiki kadhaa. Kama hakuna dalili za changamoto zozote, uatendelea tu kujihudumia nyumbani bila ulazima wa kwenda clinic.
Wanawake watakaopata dalili mbaya ni muhimu kuweka appointment na daktari ili kupata huduma mapema. Japo ni mara chache sana inatokea, baadhi ya wanawake wanahitaji uangalizi wa hali ya juu.
Lini unatakiwa kumwona daktari?
Unatakiwa kwenda hospitali haraka endapo unapata dalili hizi
- damu inatokwa kwa wingi sana kiasi ya kutumia zaidi ya pedi moja kwa kila lisaa
- Unatokwa na mabonge makubwa ya damu, ukubwa wa kitenesi
- Kujihisi huna nguvu
- Unapata mawazo ya kujidhuru au kujiua
- kujisikia kukosa pumzi
- unapata harufu mbaya ukeni
- Homa kali
- Una hofu kwamba mimba haijatoka yote
Nini kitatokea endapo hutasafisha kizazi baada ya kutoa mimba
Madhara haya yanaweza kukupata endapo utatoa mimba na usisafishwe kizazi
- Kushindwa kushika mimba kwa miaka ijayo
- Kuziba kwa mirija ya uzazi
- Kuugua PID na fangasi mara kwa mara
- Kushindwa kufurahia tendo
- Maumivu chini ya kitovu na
- Kutokwa na harufu mbaya ukeni
