Sabuni ya maji ni bidhaa muhimu sana ya usafi inayotumika kuosha mikono, vyombo, magari, sakafu na hata nguo. Kutokana na matumizi yake ya kila siku, watu wengi wamekuwa wakitamani kujifunza jinsi ya kuitengeneza ili kupunguza gharama au kuanzisha biashara ndogo.
Kabla ya kuanza kutengeneza sabuni ya maji, ni muhimu kufahamu material na malighafi zinazohitajika, pamoja na kazi ya kila kiambato.
MALIGHAFI ZA KUTENGENEZA SABUNI YA MAJI
Hapa chini ni orodha ya malighafi zinazotumika sana katika utengenezaji wa sabuni ya maji (aina ya “multi-purpose” – ya matumizi mbalimbali):
1. Texapon (Sodium Lauryl Ether Sulphate – SLES)
Hii ni malighafi kuu inayotumika kuzalisha povu kwenye sabuni.
Inasaidia pia kusafisha uchafu kwa ufanisi.
2. Nitrosol au Antisol
Hii ni thickener – hufanya sabuni iwe nzito na isiyeyuke kama maji.
Inatumika kuweka umbo la sabuni ya maji.
3. Caustic Soda (Sodium Hydroxide) – Kwa kiasi kidogo sana au isipotumika kabisa kwenye baadhi ya aina
Hutumika kwa ajili ya kuanza mchakato wa kusaponisha (saponification), lakini mara nyingine haijumuishwi kabisa kwenye sabuni ya maji ya kawaida.
4. Soda Ash (Sodium Carbonate)
Husaidia kuongeza uwezo wa kuondoa uchafu na mafuta.
Pia hutumika kuongeza uzito wa sabuni.
5. STPP (Sodium Tripolyphosphate)
Huongeza uwezo wa kusafisha – hasa kwenye sabuni za vyombo au nguo.
Huzuia ugumu wa maji.
6. Sulphonic Acid
Hii ni kiambato muhimu sana cha kusafishia.
Hufanya kazi pamoja na Texapon kuongeza uwezo wa kuondoa uchafu na mafuta.
7. Color (Rangi)
Hutumika kwa kuongeza mvuto kwenye sabuni.
Rangi hupimwa kwa matone na kuchanganywa vizuri.
8. Perfume (Harufu nzuri)
Huwekwa mwisho ili kutoa harufu ya kuvutia kwa sabuni.
Kuna aina mbalimbali kama lemon, lavender, apple, n.k.
9. Maji Safi
Hutumika kama kiungo kikuu cha kuchanganya malighafi zote.
Lazima yawe safi na yasiyo na klorini nyingi.
Soma Hii : Sabuni ya Magadi inasaidia nini?
MATERIAL (VIFAA) VINAVYOHITAJIKA
Kwa kutengeneza sabuni ya maji kwa mafanikio, utahitaji vifaa vifuatavyo:
1. Ndoo kubwa za kuchanganyia
Inashauriwa kutumia plastiki kali au ndoo za madini zisizoathiriwa na kemikali.
2. Mizani ya kupimia (au vikombe vya kupimia)
Ili kuhakikisha uwiano sahihi wa malighafi.
3. Vijiti/mwiko wa kuchanganya (stick/stirrer)
Inashauriwa kutumia wa plastiki au mbao, si wa chuma.
4. Glovu za mikono na miwani ya usalama
Kwa ajili ya usalama dhidi ya kemikali.
5. Chupa au madumu ya kuhifadhia sabuni
Baada ya kutengeneza, sabuni huhifadhiwa kwenye chupa au madumu ya plastiki.
MAELEZO YA ZIADA KUHUSU MATUMIZI
Texapon + Sulphonic Acid hufanya kazi kwa pamoja kuondoa uchafu na kutoa povu
Nitrosol inasaidia kufanya sabuni iwe nzito, lakini kama huna unaweza kutumia Antisol
STPP na Soda Ash husaidia kufanya sabuni ishirikiane vizuri na maji ya bomba (ambayo mara nyingi ni maji magumu)
TAHADHARI MUHIMU
Vaeni vifaa vya kinga (glovu, mask, miwani)
Fanya kazi kwenye eneo lenye hewa ya kutosha
Hifadhi kemikali mbali na watoto
Usichanganye kemikali kiholela – fuata vipimo sahihi
