Kupoteza mpenzi wa zamani kunaweza kuwa maumivu makali zaidi ya moyo. Labda mlitengana kwa sababu ya ugomvi, kutoelewana, umbali, au hata makosa ya upande mmoja. Lakini moyo wa kweli hauwezi kusahau kwa haraka. Ikiwa bado unampenda na unaamini kuwa uhusiano wenu unastahili nafasi nyingine,
SABABU ZA WATU KUACHANA
Kabla hujamrudisha, ni muhimu kujua kilichosababisha muachane. Sababu kuu huenda ni:
Kukosa mawasiliano mazuri
Kutoaminiana
Mmoja kutokuwa tayari
Uvumilivu mdogo au hasira za mara kwa mara
Uzembe wa kuonyesha mapenzi
Tamaa au uhusiano wa pembeni
Ukweli ni kwamba: huwezi kutatua tatizo usilolijua.
HATUA 7 ZA KUMRUDISHA MPENZI WA ZAMANI
1. Jitathmini Mwenyewe Kwanza
Jiulize:
Nilikuwa sehemu ya tatizo?
Nimebadilika?
Je, nimemiss penzi au kumiss yeye kwa dhati?
Kubali makosa yako na usijitetee kila wakati.
2. Mpe Muda na Nafasi ya Kupumua
Usimkimbilie mara tu baada ya kuachana. Watu wanahitaji muda wa kutafakari, kupona, na kutuliza hisia. Muda huu utakusaidia pia wewe kujitafakari.
3. Fufua Mawasiliano Kwa Upole
Tuma ujumbe mfupi, usio na presha, kama:
“Hujambo? Nimekuwa nikikuwaza, natumai uko salama.”
Usianze kwa kulalamika au kumkumbusha makosa ya zamani.
4. Onyesha Mabadiliko Bila Kusema Tu
Mtu akiondoka, hataki kusikia ahadi tu, anataka kuona vitendo.
Kama ulikuwa mkali, kuwa mpole
Kama hukutoa muda, onesha upatikanaji
Kama hukusikiliza, sikiliza sasa kwa makini
5. Kukutana Ana kwa Ana (Ikiwezekana)
Ukiona anaonesha utayari wa kuongea, mkaribishe mkutane mkiwa mahali pa utulivu. Usimlazimishe. Ongea kwa heshima, tosheka na mazungumzo ya sasa, usirukie mara moja kurudiana.
6. Omba Msamaha Kwa Ukweli (Kama Ilikuwa Makosa Yako)
Moyo hupona unapohisi kusamehewa au kueleweka. Msamaha wa kweli hauna “lakini…”
Sema tu: “Ninakusihi unisamehe kwa yote yaliyokusikitisha. Najua siwezi kubadili kilichopita, lakini naweza kuwa bora zaidi kama utanipa nafasi.”
7. Mpatie Sababu ya Kuamini Tena
Mpe sababu ya kurudisha imani. Weka mipango, onyesha dhamira ya kweli, na usiwe na haraka ya kurudisha mapenzi ya zamani kwa nguvu – yajengeke upya hatua kwa hatua.
VITU VYA KUZINGATIA KABLA YA KURUDIANA
Je, bado mnapendana kwa dhati au ni msisimko tu wa upweke?
Je, sababu mlizoachana nazo zimetatuliwa?
Je, kuna heshima ya kweli kati yenu?
Je, kurudiana kutawajenga au kuwabomoa zaidi?
MASWALI YANAYOULIZWA MARA KWA MARA (FAQs)
Je, ni sahihi kumtafuta mpenzi wa zamani?
Ndio, ikiwa unahisi bado kuna nafasi ya kuponya na kujenga tena. Lakini fanya kwa heshima na subira.
Nifanye nini kama hanijibu kabisa?
Usimlazimishe. Watu wengine huchagua kuendelea na maisha. Ukiona amekuweka mbali kabisa, heshimu uamuzi wake na jipe nafasi ya kupona pia.
Tumeachana kwa sababu ya mtu wa tatu, bado nina nafasi?
Inawezekana, lakini lazima kuwe na wazi, msamaha wa kweli na ushahidi kuwa hali kama hiyo haitarudi.
