Siku ya kwanza ya kuchati na mwanamke, iwe ni WhatsApp, Instagram au hata SMS, ni siku ya kipekee ambayo inaweza kufungua mlango wa uhusiano wa karibu au kufunga kabisa nafasi yako. Hii ndiyo siku unayopaswa kuweka msingi bora, kuonyesha utu wako kwa utulivu, na kujenga mazingira ya mazungumzo ya kuvutia bila ya kulazimisha hisia au kutia presha.
Jinsi ya Kuchati na Mwanamke Siku ya Kwanza – Hatua kwa Hatua
1. Anza kwa salamu nzuri na ya heshima
Badala ya “niaje”, tumia salamu ambayo inaonesha umejitahidi kidogo.
Mfano:
“Habari yako? Natumaini siku yako inaenda vizuri 😊.”
Usitumie salamu fupi sana au emoji pekee. Unataka aone kwamba umeweka juhudi kuwasiliana.
2. Jitambulishe vizuri kama bado hamjajuana sana
“Naitwa [Jina lako], tulikutana pale [sehemu], nilifurahi kuzungumza nawe hata kwa muda mfupi.”
Au kama ulipata namba yake kupitia kwa mtu mwingine:
“Samahani kwa kuingia bila hodi, nilipewa namba yako na [jina], nikasema nikupe hi 😊.”
3. Usianze na maneno ya kimapenzi au sifa kali
Huu ni mtego wanaume wengi huingia nao. Wanawake wengi hupenda mwanzo wa heshima, urafiki na mawasiliano ya kawaida kwanza.
Sema:
“Nimegundua nafurahia kuongea na watu wachangamfu – na wewe unaonekana mmoja wao.”
Epuka kusema:
“Wewe ni mrembo sana, yaani nakuwaza tu!” – mapema sana kwa hili!
4. Uliza maswali mepesi na yanayofungua mazungumzo
“Ulikuwa na mpango gani leo?”
“Ni kitu gani unapenda kufanya ukiwa nyumbani siku ya mapumziko?”
Uliza kwa nia ya kumjua, si kumhoji. Hakikisha unachangia majibu yake pia ili chat isigeuke kuwa kama interview.
5. Onyesha ucheshi wa heshima
Ucheshi ni silaha bora ya mawasiliano. Kama unaweza kuingiza utani mdogo, fanya hivyo lakini bila kumdhalilisha au kumpa presha.
Mfano:
“Naona tumeanza kuchati vizuri sana, sina uhakika kama hii ni movie au mazungumzo halisi .”
6. Hakikisha unajibu kwa muda unaofaa – usimuandikie mara nyingi sana
Ukiona hajaandika haraka, mpe muda. Kuwa mtulivu. Usimuulize “kwanini hunijibu?” – hiyo inamchosha.
7. Maliza kwa staha – acha achangie hamu ya mazungumzo mengine
“Imekuwa vizuri kuchati nawe leo, natumaini tutazungumza tena kesho kama utakuwa free. Usiku mwema!”
Mazungumzo mazuri hayaishi kwa nguvu – yanamalizika kwa ladha.
Soma Hii: Jinsi ya kuongea na mwanamke kwenye simu
Maswali Yanayoulizwa Mara kwa Mara Kuhusu Kuchati na Mwanamke Siku ya Kwanza
1. Nianze kwa kumwambia nampenda?
➡ Hapana. Siku ya kwanza sio muda wa mapenzi ya moja kwa moja. Jenga urafiki na mawasiliano mazuri kwanza. Mapenzi huja kwa hatua.
2. Nifanyeje kama hataki kuchati au hajibu?
➡ Heshimu hisia zake. Wapo watu hawapendi kuchati na watu wapya mara moja. Usimlazimishe. Jipe muda, au acha kabisa kama haliendelei.
3. Je, ni sahihi kutumia emoji?
➡ Ndiyo, lakini kwa kiasi. Emoji huongeza hisia kwenye ujumbe lakini zikitumika kupita kiasi huonekana utoto au usio na umakini.
4. Nizungumzie nini siku ya kwanza?
➡ Ongelea maisha ya kila siku, mambo ya kuvutia, ndoto, filamu, muziki, au safari. Epuka mada nzito kama dini, siasa au ex wake.
5. Nianze kwa kumtumia voice note au ujumbe wa maandishi?
➡ Ujumbe wa maandishi ni salama zaidi kwa siku ya kwanza. Baadaye, unaweza kutumia voice notes pale mnapozoeana zaidi.
