Dawa Ya Kurekebisha Mzunguko Wa Hedhi

Mzunguko wa hedhi wa mwanamke ni ishara muhimu ya afya ya uzazi. Mzunguko wa kawaida huwa kati ya siku 21 hadi 35, na kwa kawaida hudumu kwa siku 2 hadi 7. Hata hivyo, wanawake wengi hukumbwa na changamoto za kutokua na mzunguko wa kawaida wa hedhi, hali ambayo inaweza kuashiria matatizo ya homoni, uzazi au hata lishe duni.

Sababu za Kuvurugika kwa Mzunguko wa Hedhi

Mzunguko wa hedhi unaweza kuvurugika kwa sababu zifuatazo:

• Mabadiliko ya homoni (hasa estrogen na progesterone)

• Msongo wa mawazo (stress)

• Uzito mkubwa au kupungua sana

• Matatizo ya tezi ya thyroid

• Ovari zenye uvimbe au PCOS

• Matumizi ya dawa za uzazi wa mpango

• Unywaji wa pombe kupita kiasi

• Mazoezi ya kupita kiasi

• Kukoma kwa hedhi mapema (early menopause)

Dalili za Mzunguko Usio wa Kawaida

• Kutopata hedhi kabisa kwa miezi kadhaa

• Kupata hedhi mara mbili kwa mwezi

• Maumivu makali kuliko kawaida

• Kubadilika kwa kiasi cha damu (kubwa au kidogo sana)

• Kutokwa na damu katikati ya mzunguko

• Hedhi isiyo na mpangilio wa muda (siku huchelewa au kuanza mapema kila mara)

Dawa Asilia za Kurekebisha Mzunguko wa Hedhi

1. Tangawizi

Tangawizi huchochea mzunguko wa damu na husaidia kuleta hedhi kwa wakati.
Namna ya kutumia: Chemsha tangawizi mbichi kwenye maji, ongeza asali na unywe mara 2 kwa siku.

2. Mdalasini

Husaidia kusawazisha homoni za kike na kupunguza maumivu ya hedhi.
Namna ya kutumia: Tumia kama chai au changanya na maziwa ya moto kila siku.

3. Mlonge

Majani au mizizi ya mlonge husaidia kuimarisha homoni za uzazi.
Namna ya kutumia: Saga majani ya mlonge na unywe kijiko 1 kila siku na asali.

4. Mizizi ya Ubuyu

Husaidia kusafisha kizazi na kurudisha mzunguko katika hali ya kawaida.
Namna ya kutumia: Saga mizizi ya ubuyu, changanya na juisi ya asili, unywe kila siku.

5. Aloe Vera

Husaidia kusafisha mji wa mimba na kurejesha usawa wa homoni.
Namna ya kutumia: Changanya jeli ya aloe vera na asali, kunywa kabla ya kifungua kinywa.

6. Mchicha au Mboga za Majani

Zina madini ya chuma na folic acid ambayo ni muhimu kwa mzunguko mzuri wa hedhi.

7. Maji ya Kitunguu Saumu

Kitunguu saumu huimarisha mzunguko wa damu na kusaidia kurekebisha hedhi.
Namna ya kutumia: Chemsha punje 3–4 kwenye maji, kunywa asubuhi.

Vyakula vya Kusaidia Mzunguko wa Hedhi

• Parachichi – linasaidia kusawazisha homoni

• Karanga na mbegu za maboga – zina zinki na omega 3

• Maharage, dengu, na choroko – vina protini na chuma

• Ndizi na maembe – kwa vitamini B6 inayosaidia homoni

Tahadhari Kabla ya Kutumia Dawa Asilia

• Usitumie zaidi ya dawa moja kwa wakati mmoja bila ushauri

• Ikiwa una ujauzito, usitumie dawa hizi bila ruhusa ya daktari

• Ikiwa tatizo linadumu kwa zaidi ya miezi 3, muone daktari bingwa wa wanawake

• Usitumie dawa hizi pamoja na za hospitali bila ushauri [Soma: Jinsi ya kutumia kitunguu maji Kujitibu Magonjwa ]

 Maswali ya Mara kwa Mara (FAQs)