Kumsahau mtu ambaye ulikuwa na hisia naye, au ambaye ulikuwa na matumaini makubwa juu ya uhusiano wenu, si jambo rahisi. Watu wengi hujikuta wakimuwaza kila wakati – asubuhi, mchana, usiku, hata kwenye ndoto. Hisia huendelea kuishi hata pale mtu huyo ameondoka maishani mwako. Lakini jambo la faraja ni kwamba kuna dawa ya kumsahau mtu na usimuwaze tena mara kwa mara.
1. Kata Mawasiliano Kabisa
Usiwasiliane naye kabisa. Futa namba yake, usimtazame mitandaoni, usiende sehemu mliyokuwa mkienda wote. Hii ni “detox ya kihisia” inayosaidia kukata kiunganishi cha kihisia ndani ya akili yako.
2. Ondoa Kila Kitu Kinachokukumbusha Yeye
Picha, zawadi, nyimbo mliyopenda wote, meseji – viweke mbali au vifute kabisa. Ukiona kitu chake, unamfufua upya kwenye akili. Ondoa vichocheo vyote vya kumbukumbu.
3. Jifunze Kuishi Bila Mawazo Yake
Kila akija akilini, geuza fikra zako kwa makusudi. Sema kwa sauti au ndani ya nafsi, “Huyu si sehemu ya maisha yangu tena,” kisha jielekeze kwenye shughuli nyingine.
4. Jaza Maisha Yako na Shughuli Mpya
Anza kujihusisha na mambo mapya – kazi, mafunzo, michezo, usafi wa mazingira, au hata kusoma vitabu. Ukijishughulisha, nafasi ya kumuwaza hupungua sana.
5. Jifunze Kumaliza Mazungumzo ya Akilini
Mawazo huanza na mazungumzo ya akilini kama: “Kama asingeniambia vile…” au “Labda angerudi…” Acha hayo mazungumzo mara moja. Zikifika, kata kwa makusudi.
6. Tumia Dawa ya Akili: Maombi, Kutafakari, na Kujiambia Maneno Chanya
Maombi na kutafakari (meditation) ni dawa ya kiroho ya kufuta huzuni na mawazo yasiyofaa. Jiambie maneno kama:
-
“Ninastahili amani.”
-
“Nimefungua ukurasa mpya.”
-
“Mtu huyu si sehemu ya kesho yangu.”
7. Andika Hisia Zako na Uzichome au Uzifute
Tunga barua ya ndani moyoni au kwenye karatasi – eleza kila kitu unachojisikia kwake, halafu ichome au ifute kabisa. Ni njia ya kiakili ya kuachilia maumivu na kumbukumbu.
8. Usikubali Mawazo Yaje Wakati wa Upweke
Mawazo hujaa sana ukiwa peke yako au kabla ya kulala. Usitumie muda mwingi ukiwa huna kazi. Tazama filamu nzuri, soma, au zungumza na mtu unapohisi unamuwaza tena.
9. Usijitese kwa Kufuatilia Maisha Yake
Unapoendelea kufuatilia maisha yake (kwenye mitandao au kwa marafiki), unazidisha maumivu. Acha kabisa kujua analofanya. Acha moyo upone bila kurudi nyuma.
10. Mruhusu Atoke Moyoni Kwa Amani
Msamehe kwa yote yaliyotokea, hata kama hakutendea haki. Msamaha ni dawa ya kuondoa mzigo wa maumivu. Ukimwachia kwa roho safi, hata mawazo yake hupungua.
