Katika jamii nyingi, masuala yanayohusu mapenzi kinyume na maumbile (anal sex) yanachukuliwa kwa tahadhari kubwa, hasa kwa sababu ya athari zake kiafya na maadili. Watu wengi hujiuliza ikiwa kuna njia za “kumtambua” mtu aliyewahi kufanya tendo hilo. Hata hivyo, ni muhimu kuelewa kuwa si sahihi kuhukumu au kudhania maisha ya mtu wa faragha kwa kuangalia muonekano au tabia tu.
JE, INAWEZEKANA KUMTAMBUA MWANAMKE ALIYEWAI KUFANYA MAPENZI KINYUME NA MAUMBILE?
Kwa lugha ya moja kwa moja: Hapana, hakuna njia ya uhakika ya kumtambua mwanamke aliyewahi kushiriki tendo hili kwa kuangalia tu au kwa dalili za nje.
Hata hivyo, madaktari na wataalamu wa afya wanaeleza baadhi ya mabadiliko ya kiafya yanayoweza kutokea kwa mtu anayeendekeza tendo hilo mara kwa mara — ingawa haya hayawezi kutumiwa kama ushahidi wa kutosha kwa mtu binafsi.
Mambo yanayoweza kutokea kiafya (lakini si kwa kila mtu):
Maumivu ya ndani au kuwashwa katika eneo la haja kubwa.
Kuregea kwa misuli ya haja kubwa (anal sphincter) – kwa wale wanaofanya mara nyingi na bila tahadhari.
Kupata matatizo ya kudhibiti haja ndogo au kubwa (fecal incontinence).
Michubuko au maambukizi ya mara kwa mara katika eneo la haja kubwa.
Tena, hizi ni dalili za kiafya ambazo pia zinaweza kusababishwa na matatizo mengine kabisa, si lazima ziwe ushahidi wa tendo la ndoa kinyume na maumbile.
Soma Hii : Madhara ya kumuingilia mwanamke kinyume na maumbile
MASWALI YANAYOULIZWA MARA KWA MARA
1. Je, inawezekana kujua kama mpenzi wangu anafanya au amewahi kufanya mapenzi kinyume na maumbile?
Hapana. Bila mawasiliano ya wazi na ridhaa ya kueleza, huwezi kujua. Maisha ya mtu wa faragha hayawezi kuhukumiwa kwa dhana.
2. Je, wanawake wengi hufanya mapenzi kinyume na maumbile?
Hakuna takwimu rasmi zinazotolewa wazi katika jamii nyingi, lakini kwa mujibu wa tafiti za kimataifa, ni idadi ndogo tu ya watu waliokubali kushiriki tendo hili — mara nyingi kwa sababu ya kushawishiwa au kujaribu kitu kipya.
3. Je, kufanya tendo hili kuna madhara?
Ndiyo. Tayari tumeangazia kwenye makala tofauti kuwa linaweza kusababisha:
Majeraha,
Maambukizi ya maradhi ya zinaa,
Msongo wa mawazo au athari za kisaikolojia,
Kuathiri mahusiano ya kimapenzi kama linalazimishwa.
4. Je, ni halali kufanya mapenzi kinyume na maumbile katika ndoa?
Hili linategemea imani ya dini, mila, sheria za nchi, na ridhaa ya watu wawili. Dini nyingi haziruhusu tendo hili, na hata katika uhusiano wa ndoa, linahitaji ridhaa kamili na uelewa wa hatari zake kiafya.
