Dalili za magonjwa ya zinaa kwa wanaume

Magonjwa ya zinaa (STIs – Sexually Transmitted Infections) ni magonjwa yanayoambukizwa kupitia ngono isiyo salama. Ingawa mara nyingi huonekana kuathiri zaidi wanawake, wanaume pia wako kwenye hatari kubwa ya kupata na kueneza magonjwa haya. Tatizo kubwa ni kwamba magonjwa haya yanaweza kuwa kimya (yasiyoonyesha dalili), au kuonyesha dalili zisizo wazi.

1. Maumivu au Kuungua Wakati wa Kukojoa

Dalili hii ni ya kawaida kwa magonjwa kama:

• Gonorrhea

• Chlamydia

• Urethritis

Kama mwanaume anapata maumivu au kuchomachoma wakati wa kukojoa, ni ishara ya uambukizi kwenye njia ya mkojo.

2. Kutokwa na Majimaji Yasiyo ya Kawaida kutoka Uume

Hii ni dalili ya kawaida kwa magonjwa ya:

• Gonorrhea

• Chlamydia

• Trichomoniasis

Majimaji haya yanaweza kuwa meupe, ya kijani au ya njano, yenye harufu mbaya. Huwa yanatoka bila msisimko wa ngono.

3. Kuvimba kwa Mapumbu au Uume

Uvimbe usio wa kawaida kwenye korodani au uume unaweza kuwa dalili ya:

• Epididymitis (uvimbe wa mrija wa mbegu)

• Chlamydia

• Gonorrhea

Maumivu ya korodani pia huambatana na joto au wekundu katika eneo hilo.

4. Vidonda au Michubuko Sehemu za Siri

Vidonda au malengelenge kwenye uume, korodani, sehemu ya haja kubwa au mdomoni vinaweza kuashiria:

• Herpes genitalis

• Syphilis

• Chancroid

Vidonda vya syphilis huwa haviumi mwanzoni, lakini vinaambukiza sana.

5. Kuwashwa au Harufu Mbaya Sehemu za Siri

Kuwashwa sana kwenye uume au sehemu ya haja kubwa huashiria:

• Fangasi

• Trichomoniasis

• Bacterial infections

Wakati mwingine huambatana na harufu kali ya shombo au mkorogo.

6. Maumivu Wakati wa Kujamiiana au Kufika Kileleni

Maumivu haya yanaweza kuashiria kuvimba kwa tezi, mishipa au maambukizi kwenye njia ya uzazi. Hii ni dalili ya kawaida kwa:

• Prostatitis

• Gonorrhea

• Chlamydia

7. Kuvimba kwa Tezi za Shingoni au Nchini ya Masikio

Tezi hizi huvimba ikiwa mwili unapambana na maambukizi kama:

• Syphilis

• HIV

Ni dalili ya kinga ya mwili kuwa kazini kujaribu kupambana na maambukizi.

8. Uchovu Mkubwa Usioeleweka

Kwa baadhi ya magonjwa kama HIV, uchovu wa mwili wote bila sababu ya moja kwa moja huwa dalili ya awali.

9. Homa, Kichefuchefu au Maumivu ya Kichwa

Hii hutokea hasa kwa magonjwa kama:

• Hepatitis B na C

• Syphilis

• HIV

Dalili hizi huanza mwanzoni na zinaweza kupuuzwa kama mafua ya kawaida.

10. Kutokwa na Damu Kidogo Wakati wa Kukojoa au Kujamiiana

Ni dalili isiyo ya kawaida lakini ya kutisha. Inaweza kuashiria:

• Urethritis kali

• Vidonda vya ndani ya njia ya mkojo

• Kansa ya uume au tezi dume (kama si ya zinaa)

 MASWALI YAULIZWAYO MARA KWA MARA (FAQs)