Siimu bandia za Samsung zimejaa sokoni, ni muhimu sana kwa mnunuzi kufahamu njia za kuangalia uhalisia wa simu, hasa za chapa maarufu kama Samsung. Moja ya njia rahisi na za haraka ni kutumia code maalum (secret codes) ambazo simu halisi pekee huweza kuzijibu.
1. *#06# – IMEI Number
Hii ni code ya msingi ambayo inafanya kazi kwenye simu nyingi.
Lengo: Kuonyesha namba ya IMEI ya kifaa.
Samsung original: Huonyesha IMEI 15-digit.
Samsung bandia: Huenda isiitoe au itoe namba isiyoendana na ile iliyoandikwa kwenye box au chini ya betri.
2. *#0*# – Test Menu (Hardware Test)
Hii code inafungua menu ya majaribio ya vifaa kama screen, vibration, speaker, camera, sensors n.k.
Samsung original: Huonyesha dirisha lenye majaribio mengi ya kiufundi.
Samsung bandia: Haitaonesha chochote au itaonyesha kosa.
3. *#1234# – Maelezo ya Firmware
Huonyesha version ya software, model ya simu na CSC (country code).
Samsung original: Huonyesha mfano wa firmware unaolingana na model ya simu.
Bandia: Huenda isiitoe au ikaonyesha data zisizo sahihi.
4. *#0011# – Service Mode
Inafungua dirisha la maelezo ya mtandao kama sinyal, band, na teknolojia inayotumika (GSM, LTE).
Halisi: Hutoa taarifa nyingi za kina kuhusu mtandao.
Feki: Haitaonesha au itaonyesha ujumbe wa kosa.
5. *#0228# – Battery Status
Inaonyesha hali ya betri, voltage, na kiwango cha kuchaji.
Inasaidia kuona kama simu ina betri halisi ya Samsung au imebadilishwa.
6. *#7353# – Quick Test Menu
Tofauti kidogo na *#0*#, hii huleta njia za haraka za kujaribu vitu kama kamera, speaker, touch n.k.
7. *#2663# – TSP & TSK Version
Hii code hutumika kuangalia toleo la touchscreen hardware/software. Ni muhimu kuhakikisha touchscreen si ya kubadilishwa au ya bandia.
Vidokezo Muhimu:
Hakikisha simu ina uwezo wa kuingiza na kutekeleza hizi codes.
Jaribu zaidi ya code moja kwa uhakika mkubwa.
Ukiingia code na hakuna kinachotokea, kuna uwezekano mkubwa simu si halisi au imebadilishwa programu.
Baadhi ya simu mpya zinaweza kuwa na One UI ambayo huzuia baadhi ya code – hakikisha pia unatumia code katika dialer ya simu, si app nyingine.
Soma Hii: Jinsi ya kujua simu original ya samsung
Maswali ya Mara kwa Mara (FAQs)
Je, ni simu zote za Samsung zinakubali hizi code?
La. Simu za Samsung halisi tu ndizo zinazokubali hizi codes. Simu bandia au zilizobadilishwa firmware mara nyingi hazitaitikia au zitatoa ujumbe wa kosa.
Naweza kutumia codes hizi kujua kama simu imefunguliwa au kubadilishwa?
Ndiyo. Codes kama `*#1234#` na `*#0228#` zinaweza kukuonyesha kama software au betri imebadilishwa.
Code hazifanyi kazi kwenye simu yangu, je simu yangu ni bandia?
Inawezekana. Pia, inaweza kuwa ni mabadiliko ya kisasa kwenye toleo la Android au UI. Ili uhakikishe zaidi, linganisha IMEI kwenye tovuti rasmi kama [imei.info](https://www.imei.info).
Je, hizi code zinaweza kuharibu simu?
La. Codes tulizoorodhesha ni salama kwa matumizi ya uchunguzi tu. Usijaribu code ambazo hazielezwi vizuri au unazozipata kutoka vyanzo visivyoaminika.
