Elimu ni msingi wa maendeleo ya taifa, na walimu ndio mhimili unaobeba jukumu la kulea, kufundisha na kuandaa kizazi cha kesho. Ili kutimiza wajibu huu, vyuo vya ualimu vipo kuhakikisha vijana wanapata ujuzi wa kufundisha kwa viwango vya kitaaluma. Miongoni mwa vyuo hivyo ni Chuo cha Ualimu Lake Teachers College, ambacho kinatambulika kwa kutoa kozi mbalimbali za ualimu na kuandaa walimu bora wa shule za msingi na sekondari.
Kozi Zinazotolewa Lake Teachers College
Chuo hiki kinatoa programu zinazolenga kumwandaa mwalimu wa ngazi tofauti za elimu. Baadhi ya kozi zinazopatikana ni:
Stashahada ya Ualimu wa Msingi (Diploma in Primary Education)
Hii inalenga wanafunzi wanaotaka kuwa walimu wa shule za msingi.
Mitaala yake inajikita katika masomo ya msingi kama Hisabati, Kiswahili, Sayansi, English na Michezo.
Stashahada ya Ualimu wa Sekondari (Diploma in Secondary Education)
Kozi hii inalenga maandalizi ya walimu wa sekondari kwa masomo ya sayansi, sanaa, na lugha.
Inajumuisha mchanganyiko wa masomo kama Hisabati na Fizikia, Kemia na Biolojia, au Kiswahili na English.
Cheti cha Ualimu (Certificate in Education)
Hii ni kwa wanafunzi wanaohitaji ngazi ya msingi ya kufundisha shule za awali au msingi.
Kozi za muda mfupi na mafunzo kazini (In-service Training)
Hupangwa kwa walimu waliopo kazini wanaohitaji kuongeza ujuzi au kuboresha ufaulu wa wanafunzi kupitia mbinu mpya za ufundishaji.
Sifa za Kujiunga Lake Teachers College
Ili kujiunga na Lake Teachers College, muombaji anatakiwa kufikia sifa zifuatazo:
Kwa ngazi ya Cheti cha Ualimu
Awe amehitimu kidato cha nne (CSEE).
Awe na ufaulu wa angalau masomo manne (4) ya kidato cha nne.
Ufaulu katika Kiswahili na Hisabati unachukuliwa kama kipaumbele.
Kwa ngazi ya Diploma ya Ualimu wa Msingi au Sekondari
Awe amehitimu kidato cha sita (ACSEE).
Awe na alama za angalau principle pass mbili katika masomo yanayohusiana na mchepuo unaotaka kusomea.
Kwa diploma ya msingi, ufaulu wa Kiswahili na Hisabati ni muhimu.
Kwa Walimu walioko kazini (In-service)
Awe na cheti kinachotambulika cha ualimu.
Awe ameajiriwa au kufanya kazi ya ualimu kwenye shule za msingi au sekondari.
Vigezo vya jumla
Nidhamu na tabia njema.
Afya njema ya mwili na akili.
Uwezo wa kuwasiliana kwa Kiswahili na Kiingereza.
Faida za Kusoma Lake Teachers College
Mafunzo ya vitendo kupitia programu za teaching practice mashuleni.
Walimu wenye uzoefu mkubwa katika sekta ya elimu.
Miundombinu inayosaidia katika ufundishaji na mafunzo.
Nafasi ya kuendelea na masomo ya juu baada ya kumaliza stashahada.
