Moja ya hatua muhimu baada ya mtoto kuzaliwa ni kutunza kitovu hadi kitakapo kauka na kudondoka. Kwa kawaida, kitovu cha mtoto huanza kukauka ndani ya siku chache na kudondoka kati ya siku ya 5 hadi 15, lakini kwa baadhi ya watoto, kitovu huchelewa kukauka – jambo linaloweza kuleta wasiwasi kwa wazazi.Je, kuchelewa kwa kitovu kukauka ni jambo la kawaida? Lina faida au madhara? Na nini husababisha hali hii?
Sababu Zinazosababisha Kitovu Kuchelewa Kukauka
1. Kitovu Kunyeshewa Mara kwa Mara
Ikiwa kitovu hupata unyevu (hasa wakati wa kuoga au kwa nepi kuwa juu sana), mchakato wa kukauka huchukua muda mrefu.
2. Kutokutumika kwa dawa sahihi (k.m. Spirit au Chlorhexidine)
Kutozingatia ushauri wa kiafya kuhusu matumizi ya dawa salama ya kukausha kitovu kunaweza kuzuia kukauka kwa haraka.
3. Kuvutwa au kuguswa sana
Kugusa kitovu mara kwa mara au kuvuta huweza kuchelewesha kukauka na pia kuongeza hatari ya maambukizi.
4. Maambukizi
Iwapo kitovu kimepata maambukizi, kinaweza kutoa usaha, kuwa na harufu mbaya, na kuchelewa kukauka.
5. Ngozi ya mtoto kuwa laini kupita kawaida
Watoto wengine huzaliwa na ngozi laini zaidi, hali ambayo huchelewesha kukauka kwa tishu za kitovu.
6. Kutofunikwa au kutopumuliwa
Iwapo kitovu kinazibwa sana na nguo au nepi, hakipati hewa ya kutosha na hivyo kukaa na unyevu muda mrefu.
Faida za Kitovu Kukauka kwa Haraka
Huondoa hatari ya maambukizi
Hurahisisha kuosha na kuvalisha mtoto bila tahadhari kubwa
Huwapa wazazi amani ya akili
Huonesha afya njema na kinga bora ya mtoto
Madhara ya Kitovu Kuchelewa Kukauka
1. Maambukizi ya kitovu (Omphalitis)
Dalili ni pamoja na:
Harufu mbaya
Kuvimba na kuwa nyekundu
Kutoka usaha au majimaji
Hali hii huhitaji matibabu ya haraka kwani inaweza kusambaa mwilini.
2. Kuchelewesha uponaji wa ngozi ya tumboni
Kama kitovu hakikauki kwa wakati, eneo la tumboni linaweza kuwa nyeti muda mrefu zaidi.
3. Kuvuja damu
Kuchelewa kukauka kunaweza kusababisha tishu kuwa dhaifu na rahisi kuvuja damu iwapo zitagusa au kuvutwa.
4. Wasiwasi kwa wazazi
Hali ya kawaida huenda ikaonekana kama tatizo kubwa iwapo hakuna taarifa ya kutosha kuhusu sababu zake.
Jinsi ya Kuharakisha Kukauka kwa Kitovu
Tumia dawa iliyoshauriwa hospitalini (kama spirit au chlorhexidine)
Epuka kulowesha kitovu wakati wa kuoga
Weka nepi chini ya kitovu ili kiwe hewani
Usikivute wala kukishika mara kwa mara
Mvalishe mtoto nguo zilizo huru kwenye tumbo
Soma Hii : Dawa ya kukausha kitovu cha mtoto mchanga
Ni Lini Unapaswa Kumwona Daktari?
Tafadhali wasiliana na daktari au nesi iwapo utaona dalili zifuatazo:
Harufu mbaya kutoka kwenye kitovu
Rangi ya manjano, kijani au usaha
Kuvimba au kuwa na wekundu kuzunguka kitovu
Damu inayovuja isiyokoma
Kitovu hakijadondoka baada ya siku 21 au zaidi
