Matokeo ya Kidato cha Sita ni hatua muhimu kwa wanafunzi wanaomaliza elimu ya sekondari ya juu nchini Tanzania. Baada ya kufanya mitihani yao ya mwisho, wengi hutaka kujua matokeo yao kwa haraka ili kupanga hatua zao za baadaye. Ikiwa unatafuta njia rahisi ya kuangalia matokeo yako, fuata mwongozo huu.
Jinsi Ya Kuangalia Matokeo Ya Kidato Cha Sita
Matokeo ya kidato cha sita yanaweza kupatikana kwa njia nyingi Hapa tunajadili kwa njia ya mtanao,kwa njia ya simu ussd ,mitandao ya kijamii na kupitia shule husika.
1. Kutembelea Tovuti Rasmi ya NECTA
Baraza la Mitihani la Tanzania (NECTA) ndilo linalohusika na usimamizi na utoaji wa matokeo ya mitihani ya taifa. Ili kuangalia matokeo:
- Fungua kivinjari cha intaneti kwenye simu au kompyuta yako.
- Nenda kwenye tovuti rasmi ya NECTA: https://www.necta.go.tz
- Tafuta sehemu iliyoandikwa “Matokeo” na bonyeza.
- Chagua “ACSEE” (Advanced Certificate of Secondary Education Examination), ambayo ni kwa Kidato cha Sita.
- Ingiza mwaka wa mtihani na jina la shule yako au namba ya mtihani ili kupata matokeo.
2. Kupitia Simu kwa Njia ya SMS
NECTA pia hutoa huduma ya kuangalia matokeo kwa kutumia ujumbe mfupi wa maandishi (SMS). Njia hii ni rahisi kwa wale wasio na intaneti ya uhakika. Hapa kuna hatua za kufuata:
- Fungua sehemu ya kutuma ujumbe kwenye simu yako.
- Andika ujumbe kwa kufuata muundo: ACSEE [nafasi] Namba ya Mtahiniwa (mfano: ACSEE 12345678910)
- Tuma kwenda namba 15300.
- Utapokea ujumbe mfupi wenye matokeo yako ndani ya muda mfupi.
3. Kupitia Mitandao ya Kijamii na Vyombo vya Habari
Mara nyingi, matokeo yanapotangazwa, vyombo vya habari kama redio, televisheni, na mitandao ya kijamii hutangaza matokeo kwa shule zilizofanya vizuri zaidi. Unaweza pia kujiunga na vikundi vya shule yako kwenye WhatsApp, Telegram, au Facebook ambavyo vinaweza kushirikisha matokeo kwa urahisi.
SOMA NA HII : Jinsi ya Kujisajiri na Mfumo wa Maombi ya Ajira TAMISEMI
4. Kupitia Shule Husika
Shule nyingi hupokea nakala za matokeo kutoka NECTA na kuyaweka wazi kwa wanafunzi kuona. Ikiwa huwezi kupata matokeo mtandaoni, unaweza kutembelea shule yako ili kuyaangalia moja kwa moja.
