Surua ni ugonjwa wa kuambukiza unaosababishwa na virusi vya measles virus. Ugonjwa huu mara nyingi huathiri watoto, ingawa hata watu wazima wanaweza kupata. Dalili kuu ni homa kali, macho mekundu, kikohozi kikavu, mwili kuchoka, vipele vyekundu vinavyoenea usoni na mwilini, pamoja na kupungua kwa hamu ya kula.
Katika tiba za hospitali, chanjo ya surua ndiyo njia bora ya kujikinga na dawa za kupunguza dalili hutolewa kwa wagonjwa. Hata hivyo, jamii nyingi pia hutumia tiba za kienyeji kupunguza makali ya ugonjwa huu.
Dawa za Surua za Kienyeji Zilizotumika Kiasili
Majani ya mwarobaini
Huchanganywa na maji ya uvuguvugu kisha mgonjwa aoge ili kupunguza muwasho wa ngozi na kupunguza vipele.
Maji ya majani ya mlonge
Hunywewa au hutumika kuchemshiwa supu yenye virutubisho ili kuongeza kinga ya mwili.
Asali na tangawizi
Mchanganyiko huu husaidia kupunguza kikohozi kikavu na kuimarisha nguvu za mwili.
Ukwaju
Majani au matunda yake huchemshwa, maji yake hunywewa ili kusaidia kushusha homa na kupunguza kiu.
Maji ya nazi
Husaidia kumrudishia maji mwilini na kupunguza upungufu wa madini mwilini unaosababishwa na homa.
Majani ya papai
Huchanganywa na maji na kunywewa kwa kipimo kidogo kusaidia kuongeza damu mwilini na nguvu.
Tahadhari Muhimu
Tiba za kienyeji zinaweza kupunguza dalili, lakini hazibadilishi tiba rasmi ya hospitali.
Chanjo ya surua ndiyo kinga bora zaidi.
Wazazi wanashauriwa kuwapeleka watoto hospitali mara tu wanapohisi dalili za surua.
Epuka kutumia tiba kali za kienyeji bila ushauri, kwani zingine zinaweza kuathiri afya ya mtoto.
