Mfumo wa Maombi ya Ajira Jeshi la Zimamoto na Uokoaji (Zimamoto Ajira Portal)

Mfumo wa kutuma maombi ya ajira katika Jeshi la Zimamoto na Uokoaji (Tanzania Fire and Rescue Force) unafanyika kupitia mtandao rasmi wa https://ajira.zimamoto.go.tz

Mfumo wa Maombi ya Ajira Jeshi la Zimamoto (Zimamoto Ajira Portal)

Mfumo wa Maombi ya Ajira Jeshi la Zimamoto na Uokoaji almaharufu kama zimamoto Ajira Portal (ajira.zimamoto.go.tz) ni mfumo wa mtandao unaowezesha waombaji wa kazi katika Jeshi la Zimamoto na Uokoaji kuwasilisha maombi yao kwa njia ya kidigitali. Mfumo huu umetengenezwa kwa teknolojia ya kisasa ili kurahisisha mchakato wa ajira kwa waombaji na jeshi lenyewe.

Sifa na Vigezo vya Kujiunga

Waombaji wanapaswa kuwa na sifa zifuatazo:

Raia wa Tanzania mwenye umri wa kati ya miaka 18 hadi 25.
Cheti cha kumaliza elimu ya sekondari (Kidato cha Nne) au shahada katika fani husika.
Kitambulisho cha Taifa (NIDA) au namba ya NIDA kwa ajili ya usajili.
Uwezo wa kimwili na kiafya wa kutekeleza majukumu ya zimamoto na uokoaji.

Jinsi ya Kusajili Akaunti Kwenye Zimamoto Ajira Portal

Kwa waombaji wapya, hatua za awali za kujisajili ni muhimu ili kupata akaunti kwenye mfumo. Fuata hatua hizi ili kujiandikisha:

1. Tembelea Tovuti Rasmi

Fungua kivinjari (browser) chako na tembelea ajira.zimamoto.go.tz

2. Bonyeza Kitufe cha “Sign Up”

Chagua kitufe cha “Sign Up” ili kuanza mchakato wa usajili.

3. Weka Namba ya Utambulisho wa Taifa (NIDA)

Ingiza NIDA number yako na bonyeza Submit NIN ili kuendelea.

4. Jibu Maswali ya Uhakiki

Mfumo utatoa maswali ya uthibitisho wa utambulisho wako.
Jibu maswali mawili kwa usahihi ili kuthibitisha utambulisho wako.

5. Kamilisha Usajili

Mfumo utaonyesha taarifa zako zilizo kwenye rekodi ya NIDA.
Ingiza barua pepe yako (email), tengeneza nenosiri (password) na bonyeza Submit.

SOMA HII : Majina ya Walioitwa Kwenye Mafunzo Kusimamia Uchaguzi October 2025 :INEC Tume ya Taifa ya Uchaguzi

6. Thibitisha Akaunti Yako kwa Barua Pepe

Baada ya kukamilisha usajili, angalia barua pepe yako kwa ajili ya kiungo cha kuthibitisha akaunti.
Ikiwa hujaona barua pepe kwenye “Inbox”, angalia kwenye Spam Folder.

Baada ya kuthibitisha akaunti yako, sasa unaweza kuingia kwenye mfumo kwa kutumia barua pepe na nenosiri ulilounda.

Jinsi ya Kuingia Katika Akaunti

Ikiwa tayari umejisajili, fuata hatua hizi ili kuingia kwenye mfumo na kuanza kutuma maombi:

Nenda kwenye ajira.zimamoto.go.tz
Bonyeza kitufe cha Login
Ingiza barua pepe yako na nenosiri
Bonyeza Login ili kufungua akaunti yako

Ikiwa umesahau nenosiri, bonyeza “Forgot Password”, ingiza barua pepe yako, na utapokea kiungo cha kurekebisha nenosiri kupitia barua pepe yako.

Namna ya Kujaza Taarifa kwenye Mfumo

Baada ya kuingia kwenye akaunti yako, unapaswa kujaza taarifa zifuatazo:

Wasifu wa Kibinafsi: Jina kamili, anuani, maelezo ya mawasiliano.
Taarifa za Elimu: Ingiza kiwango cha elimu na cheti husika.
Uzoefu wa Kazi: Ikiwa una uzoefu wa kazi, jaza sehemu hii.
Maombi ya Kazi: Chagua nafasi unayotaka na ambatanisha nyaraka zinazohitajika.

Jinsi ya Kutuma Maombi ya Ajira Kwenye Mfumo wa Maombi ya Ajira Jeshi la Zimamoto na Uokoaji

Baada ya kuingia kwenye akaunti yako, unaweza kuanza kutuma maombi ya kazi kwa kufuata hatua zifuatazo:

Nenda Kwenye “Find Job”

Upande wa juu kushoto wa ukurasa wako wa mwanzo, bonyeza Find Job.

Chagua Nafasi ya Kazi Unayoitaka

Tafuta nafasi za kazi kulingana na sifa zako za kitaaluma.

Bonyeza “Apply for Job”

Baada ya kuchagua kazi unayotaka, bonyeza kitufe cha Apply for Job.

Wasilisha Nyaraka Zako Muhimu

Pakia vyeti vya elimu na nyaraka nyingine muhimu kama zinavyohitajika.

SOMA HII : Sifa za Kujiunga na Jeshi la Uhamiaji Tanzania na Document za kuambatanisha

Thibitisha na Kutuma Maombi

Hakikisha taarifa zako ni sahihi kabla ya kuthibitisha maombi.
Baada ya kutuma maombi, unaweza kuangalia hali ya maombi yako kwa kwenda kwenye “Applied Jobs” ndani ya akaunti yako.